පුර අටවකට බෝමළුවේ මලසුනට
සුදු පිරුවතින් ආවා මතකයි තාම
පසලොස්වකට හමුවෙයි අපි හැමදාක
සියොලඟ එතී දැනුනේ සිල් සුවඳ මට
හිරිමල් කැකුළු පිපුනත් හිරු උදාවට
අලුයම සුළඟ පවසයි මත් බමරුන්ට
දුප්පත් කමට මහමෙර සෙලවෙන දොහට
සුහුඹුල් සුවඳ විකිනෙයි සත් මහළ යට
අව අටවකට ආවත් නුඹ නොදොඩාම
බෝපත් - ළපළු - ඉපනැළි නොදුටුවා නොව
වියපත් නොවේ බඹරුන් මල් කෙමි නෙලන
ගං දොර වරෙන් තාමත් මං නුඹ ගාව
Subscribe to:
Post Comments (Atom)
No comments:
Post a Comment